«Kom og sjå» – ein smak av retreat

Wallemtunet, 18.-20. oktober 2024

Vi har gleda av å invitera til retreat på Wallemtunet med stillheit, tidebøner, kreativitet, musikkandakt og flott turterreng m.m.

Retreat handlar om deg og Gud, ikkje om alle andre, sjølv om vi er saman. Kanskje et det no du skal unna deg ein pause frå kvardagen? Denne helga passar godt òg for deg som har liten eller inga erfaring med retreat.

«Kom og sjå», sa Jesus til nysgjerrige menneske han møtte. Vi seier «Kom og sjå» og få ein smak av retreat på Wallemtunet. Vi startar fredag ettermiddag 18. oktober med eit varmt måltid. Deretter vert det ein introduksjon til retreat før vi går inn i stilla.

Vi samlast til tidebøner morgon, middag og kveld som ein rytme gjennom dagane. Tida elles brukar du slik du ønskjer i stillheit: Jesus-meditasjon, kreative stasjonar, kvile og påfyll, turar i nærområdet (åleine eller felles), musikkandakt m.m. Kanskje finn du deg ein favorittplass framfor peisen, i godstolen eller ute på haustfjellet. Retreaten vert avslutta søndag 20. oktober etter gudsteneste og middag.

Pris 2100 kr. Du får eige rom med mindre anna er avtalt.

Påmelding  innan 1. oktober

Det er begrensa med plassar. Velkommen!

Arr.: Retreatkomiteen ved Stine Karin og Torbjørn Sæle, Marta og Roald Hvidsten, Kari Anne Romarheim og Vibeke Bjørndal Midttun i samarbeid med foreininga Wallemtunet.

Har du spørsmål kontakt Marta Grønstad Hvidsten på tlf. 90918214 eller epost: magrohvi@gmail.com